[东方报]德甲：海登咸保德甲席位大過天[05-22]

今晚德國附加賽首回合，海登咸主場鬥艾華斯堡。海登咸為保德甲席位，必定趁地利搶攻，務求先下一城；艾華斯堡雖然係「乙組仔」，但季尾3連勝弗到漏，唔怕駁火，加上佢哋作客非常進取，近4場作客有3次總入球開3球或以上，首選中位數2.5球嘅入球大。（Now638周五凌晨2時30分直播）

艾華斯堡季尾走勢凌厲
根據賽制，德甲尾3同德乙第3爭1個德甲席位，海登咸季尾表現唔錯，近4場取得2勝1和1負，包括爆冷擊敗史特加，可見球員護級決心非常堅定，今場對住艾華斯堡，預計會更加進取，希望主場盡量贏多幾球，為次回合打好基礎。不過海登咸防線欠穩，近3次主場合共失8粒，就算贏波都未必可以保住清白之身。

艾華斯堡兩年前首度升上德乙，上季僅排第11位，今季大爆發獲得季軍，演出令人驚喜，尤其季尾走勢凌厲，近3仗全勝合轟8球，踢到最後一輪聯賽鎖定第3位附加賽席位，士氣非常高昂。難得個勢咁好，艾華斯堡當然想乘勝追擊，創造奇迹殺上德甲，隨時同海登咸鬥攻力爭贏波，咁樣升班機會自然大增。